Вікізьвесткі:Удзельнічаць

Вітаем! Вельмі радыя бачыць вас тут! Вікізьвесткі — шматмоўная база структураваных зьвестак, якую можа рэдагаваць кожны. Праект абапіраецца на высілкі людзей — такіх, як вы! — з усяго сьвету, якія працуюць разам над зборам і парадкаваньнем зьвестак больш як 200 мовамі. Існуе шмат спосабаў удзельнічаць у Вікізьвестках: ад паляпшэньня і перакладу дакумэнтацыі да плянаваньня і прапановы новых уласьцівасьцяў у падтрымку зьвестак. Калі вас цікавяць спосабы ўдзелу, дык ніжэй знаходзіцца агляд розных роляў і даступных відаў дзейнасьці, а таксама пералічаныя прапанаваныя і адкрытыя заданьні. Калі пералічаныя ніжэй заданьні вам не пасуюць ці вы ня можаце вызначыцца, што вас цікавіць, зьвярніцеся да каго-небудзь з каманды Вікізьвестак (асабліва да Лідзіі).
Рэдактары Вы можаце непасрэдна рэдагаваць зьвесткі на старонках элемэнтаў. Дадавайце сьцьверджаньні, кваліфікатары і крыніцы дзеля ўзбагачэньня базы ведаў Вікізьвестак. Дапамажыце нам зь міграцыяй моўных спасылак дзеля падтрымкі цэнтралізаванага доступу да ўсіх праектаў Фундацыі Вікімэдыі. Каб даведацца, з чаго пачаць, глядзіце Help:Items пра даданьне ці рэдагаваньне элемэнтаў, ці прайдзіце інтэрактыўнае навучаньне на Wikidata:Tours. Абнаўленьне старонак дапамогі ды паляпшэньне дакумэнтацыі, напрыклад, дадаючы прыклады і здымкі экрану - яшчэ адзін выдатны спосаб падтрымкі супольнасьці Вікімэдыі.	Распрацоўнікі Як распрацоўнік вы можаце таксама дапамагаць Вікібазе — пашырэньню, якая засілкоўвае Вікізьвесткі, непасрэдна ці пішучы абгортачны код. Калі вас цікавіць напісаньнем робатаў, якія працуюць у Вікізьвестках, прайдзіце на старонку Робаты.
Амбасадары Амбасадары распаўсюджваюць слова пра Вікізьвесткі сярод іншых, адказваюць на пытаньні пра праект, служаць адукацыйнымі рэсурсамі Вікізьвестак. Яны заахвочваюць супрацоўніцтва Вікізьвестак зь іншымі братнімі праектамі, у якіх вы актыўныя, дапамагаюць абнаўляць штотыднёвыя вынікі, удзельнічаюць у абмеркаваньнях Вікізьвестак па адным з сьпісаў рассылкі ды Ціўцеры, аказваюць падтрымку іншым удзельнікам на IRC-каналепадлучыцца. Калі вы зацікаўленыя правесьці даклад на сустрэчы ці канфэрэнцыі, альбо арганізаваць падзею для Вікізьвестак, Лідзія Пінтшэр (ВМ Нямеччына) можа забясьпечыць вам слайды, флаеры ды іншыя матэрыялы, якія могуць спатрэбіцца.	Удзельнікі праектаў ВікіПраекты — групы ўдзельнікаў, якія хочуць працаваць камандай дзеля паляпшэньня Вікізьвестак. Такія групы часта засяроджваюцца на пэўнай тэме (напрыклад, астраноміі) ці пэўным тыпе задачаў (напрыклад, разьвязаньне праблемаў са старонкамі неадназначнасьцяў). Каб знайсьці Вікіпраект, які адпавядае вашым інтарэсам, ці прапанаваць новы праект, наведайце ВікіПраекты. Як удзельнік Вікіпэдыі, Віківандровак, Вікікрыніцаў ці любога іншага зьвязанага праекту Вікізьвестак, вы можаце падаць каштоўную інфармацыю пра мноства рашэньняў, якія варта зрабіць пры распрацоўцы і ўвасабленьні. Каб далучыцца да плянаваньняў і абмеркаваньняў, альбо дапамагчы з інтэграцыяй Вікізьвестак у братэрскіх праектах, прайдзіце на братэрскія праекты.
Перакладнікі Як перакладнік вы можаце перакладаць Вікібазу — пашырэньне, якое сілкуе Вікізьвесткі, — на translatewiki.net. Акрамя таго, вы можаце дапамагчы перакладам дакумэнтацыі й інфармацыйных старонак пра Вікізьвесткі тут і на Мэце. Падрабязную інфармацыю пра перакладнікаў Вікізьвестак глядзіце на форуме перакладнікаў.	Уласьнікі зьвестак Калі вы маеце зьвесткі, якімі хочаце падзяліцца ў Вікізьвестках, чытайце старонку пра ахвяраваньне зьвестак. Зьвесткі ў Вікізьвестках можна ўводзіць уручную альбо робатам з выкарыстаньне API. Глядзіце нашыя старонкі пра API і робатаў.