Wikidata

Adjuta: Elementos

This page is a translated version of the page Help:Items and the translation is 98% complete.
Outdated translations are marked like this.
Other languages:

Wikidata es le base de cognoscentia libere que omnes pote modificar. Como Wikipedia, Wikidata es construite super le pacchetto de wiki MediaWiki lo que significa que le contento de paginas (como iste!) pote esser addite, modificate, o delite in collaboration con altere personas. Contrarimente a Wikipedia, Wikidata usa etiam le software Wikibase lo que permitte le modification collaborative de datos structurate.

Comprender le elementos

 
Le elementos e lor datos es interconnectite

In Wikidata, elementos se usa pro representar tote le cosas in le cognoscentia human, como topicos, conceptos e objectos. Per exemplo, "Jocos Olympic Estive de 1988", "amor", "Elvis Presley" e "gorilla" totes es elementos in Wikidata.

Pro illes qui es familiar con Wikipedia, il pote esser tentante initialmente pensar a objectos como le version de Wikidata de articulos de Wikipedia. Ben que objectos e articulos es ambes paginas pro immagazinar information sur differente conceptos o topicos de cognoscentia human, il es importante retener in mente que Wikidata non es solmente un base de datos de contento de Wikipedia. In facto, Wikidata es plus simile a Wikimedia Commons, le deposito de files multimedial, que a Wikipedia; ma in loco de files multimedial, Wikidata forni un immagazinage centralisate pro accesso a datos structurate pro tote le projectos de Wikimedia, como etiam pro uso in sitos web externe.

Le elementos possede alcun characteristicas importante que contribue al successo de Wikidata:

Elementos notabile

Objectos de Wikidata se dice de esser notabile. Isto significa al minus un de tres cosas:

  • un pagina correspondente sur un sito de Wikimedia como Wikipedia, Wikivoyage, Wikisource, Wikiquote, Wikiversity, o Wikimedia Commons,
  • un entitate conceptual o material clarmente identificabile que pote esser describite usante referentias seriose e publicamente disponibile, o
  • le objecto satisface un necessitate structural. Pro plus information, consulta nostre politica de notabilitate."

Elementos unic

Objectos es etiam unic. Cata objecto debe representar un concepto o objecto clarmente identificabile, o un instantia (caso particular) de un concepto o objecto clarmente identificabile. Per exemplo, in Wikidata nos pote haber objectos pro le concepto de planet (Q634) e un instantia de un planeta, Earth (Q2).

Ligar elementos

Elementos pote e debe tamben esser ligate le un al altere. Cata elemento ha un identificator unic (comenciante con un prefixo Q) e su proprie pagina in le spatio de nomines principal de Wikidata. Per exemplo, pro le elementos listate supra, 1988 Summer Olympics (Q8470), love (Q316), Elvis Presley (Q303) e Gorilla (Q36611) es le respective paginas de elemento. Iste paginas es ubi tote le datos pro cata elemento es addite, modificate e mantenite, principalmente in le forma de declarationes.

Paginas permitte etiam que elementos es ligate le un al altere, de sorta que tote le datos sur Wikidata pote esser interconnectite. Un ligamine a un altere pagina es normalmente addite como un "proprietate" cliccante sur "modificar" in le section "declarationes". Si nulle proprietate appropriate es listate ancora, illo pote esser addite cliccante sur "+ adder" in le fundo del section "declarationes". Vide: Adder a un pagina de elemento existente.

Proprietates typic pro ligar un elemento a un altere:

Exemplo:

  1. Albert Einstein's brain (Q2464312) es part of (P361): Albert Einstein (Q937).
  2. Albert Einstein (Q937) es un instance of (P31): human (Q5).
  3. human (Q5) es un subclass of (P279): mammal (Q7377).
  4. mammal (Q7377) has part(s) (P527): mammary gland (Q189961).

Foras de paginas de elemento, le ligamines a elementos pote generalmente esser placiate per adder le prefixo "Q|" al numero del articulo e includer lo in parentheses crispe, per exemplo: {{Q|8470}} → 1988 Summer Olympics (Q8470).

Crear un nove elemento

 
Crea un nove elemento per eliger "Create a new Item" in le menu a sinistra
 
Entra le etiquetta e description del nove elemento
 
Modificar le elemento "Marie Curie"
 
Adder un ligamine de sito

Guidas passo-a-passo al principios de modificar elementos de Wikidata: Wikidata:Tours

Ante que tu crea un pagina pro un elemento, il es un bon idea assecurar te que Wikidata non ja ha un pagina pro iste elemento. Le melior modo de vider si Wikidata ja ha un pagina sur le elemento que tu vole adder es usar le recerca per titulo de elemento.

Le pagina de recerca per titulo de elemento ha duo campos de entrata que es concipite pro cercar elementos que ja ha un pagina sur un sito Wikimedia e poterea esser in le systema de Wikidata. Le campo a sinistra, que dice "Site:", es ubi tu pone le lingua del pagina del sito Wikimedia que corresponde al elemento que tu vole adder. Le major parte del sitos Wikimedia ha editiones equivalente in differente linguas que es representate per un codice. Per exemplo, le codice pro le lingua anglese es en e le codice pro le lingua francese es fr. Iste codice pote esser trovate in le URL; dunque en.wiktionary.org es le Wiktionario in anglese e en.wikipedia.org es le Wikipedia in anglese, como fr.wiktionary.org es le Wiktionario in francese e fr.wikipedia.org es le Wikipedia in francese. Un captura de schermo que monstra ubi trovar un codice de lingua pro un sito Wikimedia es disponibile hic.

Pro le secunde campo, "Page:", tu debe poner le titulo exacte del pagina como appare in le parte superior del pagina sur su sito Wikimedia. Isto es importante pro recuperar le bon elemento perque il pote haber multe elementos con le mesme etiquetta in Wikidata. Per exemplo, si tu volerea saper si ja existe un pagina de elemento pro capital (le concepto referente a activos non-financiari) in Wikidata, tu debe cercar "capital (economia)" - le titulo del pagina sur Wikipedia - e non "capital" que te darea in vice le pagina de elemento pro le pagina de disambiguation de Wikipedia sur capital.

Quando Wikidata ja ha un pagina sur ille elemento, le recerca te portara a iste pagina.

Si un elemento manca, tu pote crear lo tu mesme. Tu pote facer isto o per cliccar sur le ligamine fornite in le parte inferior del pagina de recerca per titulo de elemento quando un recerca es infructuose o per cliccar sur "Create a new Item" in le menu a sinistra. Ab le duo ligamines, tu essera portate a un pagina que te demanda de dar al nove elemento un etiquetta e un description. Si tu usava le recerca per titulo de elemento, le interfacie tamben includera le duo campos que tu completava durante le recerca. Si tu usava le ligamine Create a new Item, non te preoccupa de non haber los - tu pote completar los plus tarde. Quando tu ha finite, clicca sur "Create".

Adder a un pagina de elemento existente

In addition a un etiquetta e un description, le duo altere elementos de un pagina de elemento que deberea esser completate es le aliases e le ligamines de sito. Iste quatro elementos de un pagina de elemento es multilingue, significante que illos es monstrate e entrate per contributores pro un lingua specific. Isto tamben significa que illos (usualmente) habera valores differente pro cata lingua. Il es tamben possibile adder e vider iste elementos in multiple linguas (lo que tu pote voler facer si tu es fluente in plus de un lingua); pro informationes sur como configurar tu preferentias de lingua in Wikidata, vide Help:Multilingual.

Un etiquetta es le nomine per le qual un elemento esserea cognoscite le plus communmente. Etiquettas es addite al campos de texto in le parte superior del pagina de elemento al columna "Label". Clicca sur "edit", insere le etiquetta, e clicca sur "publish". Un description es un curte phrase concipite pro distinguer le pagina in question de altere paginas con le mesme o similar etiquettas. Descriptiones es addite del mesme maniera que etiquettas, al columna "Description". Vide Help:Etiquetta e Help:Description pro saper plus sur le uso de etiquettas e descriptiones.

Tu pote adder aliases per cliccar sur le button "edit" in le parte superior del pagina de elemento al columna "Also known as". Tu potera de inserer le prime alias in le campo; a ille momento un secunde campo apparera. Continua a completar aliases usque que tu non ha plus nomines alternative a adder, alora clicca sur "publish". Vide Help:Aliases pro saper plus sur le uso de aliases.

Pro adder un ligamine de sito a Wikidata, va al section(es) infra le capite(s) appropriate, per exemplo "Wikipedia" o "Wikiquote" e clicca sur le "edit" juncte al capite. In le parte inferior del gruppo de ligamines de sito apparera alora duo campos vacue: un campo a sinistra que dice "wiki" e (monstrate post le completion correcte del prime campo) un campo a dextra que dice "page". Le campo a sinistra es ubi tu pone le lingua del pagina del sito Wikimedia a que le elemento corresponde. Le campo a dextra es ubi tu pone le titulo del pagina como appare in le sito Wikimedia. Ambe iste campos contine menus disrolante que te adjutara a completar le information quando tu comencia a scriber. Quando tu ha completate ambe campos, clicca sur "publish". Vide Help:Sitelinks pro plus informationes.

Nota ben: Quando tu clicca sur qualcunque "edit" o "+ add" post que le pagina se ha completemente cargate, tu poterea esser portate a un pagina separate con un interfacie special. Isto te permittera anque facer le cambios intendite, ma es plus difficile a usar. Si le pagina non appare como illustrate sur le imagines a dextra post cliccar sur "edit" o "+ add", tu pote voler retornar, attender que le navigator fini de cargar le pagina (usualmente il ha un indication in le parte superior del scheda del navigator) e postea cliccar sur "edit" o "+ add" de novo.

Exemplos de quatro campos completate pro le elemento Marie Curie (Q7186)

Language Item Label Description Aliases Ligamine al pagina de Wikipedia
anglese (en) Q7186 Marie Curie Polish and French physicist and chemist (1867–1934) Maria Salomea Skłodowska; Marie Skłodowska-Curie Marie Curie
francese (fr) Q7186 Marie Curie physicienne et chimiste polonaise et française Maria Salomea Skłodowska herb Dołęga; Maria Skłodowska-Curie; Marie Sklodowska-Curie; Maria Skłodowska Marie Curie
polonese (pl) Q7186 Maria Skłodowska-Curie polsko-francuska uczona, noblistka z fizyki i chemii Maria Curie-Skłodowska; Marie Curie; Maria Skłodowska Maria Skłodowska-Curie


Modificar un pagina de elemento

 
Como se construe un pagina de elemento

Tote le quatro campos, le etiquetta, description, aliases, e ligamines de sito, es modificabile. Pro modificar un elemento existente, clicca sur le button "edit" e insere le nove o actualisate information. Postea clicca sur "publish". Si un alias o ligamine de sito es incorrecte, tu pote remover lo. Pro facer isto, primo clicca sur le button "edit" e postea dele le alias que tu vole remover, o clicca sur le icone de corbe a papiro pro le ligamine de sito que tu vole remover. Postea clicca sur "publish". Le elemento disparera immediatemente e essera removite del base de datos.

Documentation pro elementos

Le patrono {{Item documentation}} forni documentation pro elementos. Illo pote esser addite in le pagina de discussion de un elemento. Vide Talk:Q56061 pro un exemplo pro administrative territorial entity (Q56061).

Deler le pagina de un elemento

Solmente administratores pote deler elementos. Deletiones se face via Wikidata:Requests for deletions. Per favor da un breve ration.

Vide etiam

Wikidata:Sandbox -- Isto es un cassa de sablo pro testar cambios a elementos.

Pro paginas de adjuta associate, vide:

  • Help:Etiquetta, explicante lo que es etiquettas e qual regulas illos seque
  • Help:Description, explicante lo que es descriptiones e qual regulas illos seque
  • Help:Aliases, explicante lo que es aliases e qual regulas illos seque
  • Help:Statements, explicante lo que es declarationes e qual regulas illos seque
  • Help:Sitelinks, explicante lo que es ligamines de sito e qual regulas illos seque
  • Help:Merge, explicante como fusionar elementos (in caso que ligamines interwiki a articulos de Wikipedia in differente linguas ma sur le mesme subjecto existe sur plus de un pagina de Wikidata)

Pro information e direction additional, vide:

  • Project chat, for discussing all and any aspects of Wikidata
  • Wikidata:Glossary, the glossary of terms used in this and other Help pages
  • Help:FAQ, frequently asked questions asked and answered by the Wikidata community
  • Help:Contents, the Help portal featuring all the documentation available for Wikidata
Retrieved from "https://www.wikidata.org/w/index.php?title=Help:Items/ia&oldid=1788003890"