Help:Label/be-tarask

Прапанавана надаць гэтай інфармацыйнай старонцы статус правіла ці рэкамэндацыі. Падрабязнасьці можна пачытаць у абмеркаваньні старонкі альбо на форуме.
Ніжэй прыведзенае прапанаванае правіла ці рэкамэндацыя Вікізьвестак. Прапанова можа знаходзіцца ў стадыі распрацоўкі, абмеркаваньня ці атрыманьня падтрымкі супольнасьці для ўхвалы.

Сьцісла:

Метка — самая вядомая назва, пад якой будзе магчыма знайсьці элемэнт. Яна ня мусіць быць унікальнай; некалькі элемэнтаў могуць мець аднолькавыя меткі, аднак ніякія два элемэнты ня могуць мець аднолькавыя і меткі, і апісаньні.

Патрабаваньня наконт таго, што метка мусіць супадаць з назвай старонкі ў іншым праекце Вікімэдыі, няма. Існуе прынамсі некалькі выпадкаў (пададзеных ніжэй), калі нават пажадана, каб метка ў Вікізьвестках адрозьнівалася ад назвы старонкі ў праекце Вікімэдыі. Прыведзеныя ніжэй прыклады — агульныя. Яны даюць рэкамэндацыі для большасьці выпадкаў, аднак не зьяўляюцца вызначанымі правіламі. Калі існуе абгрунтаваная неабходнасьць, любое з гэтых правілаў можна ігнараваць.

Ужо на пачатку распрацоўкі канцэпцыі гэтага праекту стала зразумелым, што людзі з моцнымі аргумэнтамі могуць паспрабаваць і дабіцца зьмены метак, апісаньняў і нават падрабязьнейшай інфармацыі пра элемэнты Вікізьвестак, каб прасунуць уласны пункт гледжаньня. Вікізьвесткі — гэта не пляцоўка для прасоўваньня ўласных поглядаў, і намагаецца адлюстроўваць інфармацыю і акуратна, і нэўтральна. Вайна рэдагаваньняў у метках недапушчальная.

Заўважце, што элемэнт мае шматлікія меткі рознымі мовамі. Меткі іншымі мовамі могуць быць не зьвязанымі адна з адной (у адной мове меткай можа быць імя чалавека пры нараджэньні, у другой — ягоны літаратурны псэўданім). Дзякуючы сынонімам існуе магчымасьць задаваць некалькі метак адной мовай. Калі пэўнае імя мае асаблівае значэньне, то гэтае імя мусіць знаходзіцца і ў сьцьверджаньні, і ў метцы, хоць гэта й выглядае як дубляваньне аднае інфармацыі двума рознымі спосабамі — мы маем мноства розных уласьцівасьцяў для назваў элемэнтаў.

Даўжыня меткі ня мусіць быць большай за 250 сымбаляў.

Агульныя прынцыпы для ўсіх моваў edit

Меткі могуць быць неадназначнымі edit

У Вікізьвестках могуць існаваць некалькі элемэнтаў з адной і той жа меткай

Як адзначана вышэй, метка ня мусіць быць унікальнай. Адрозьненьні аднаго элемэнту ад іншага робяцца з дапамогай апісаньняў.

Прыклады:

Кембрыдж — метка места ў Ангельшчыне (Cambridge (Q350)) і яшчэ аднаго места ў Масачусэтсе (Cambridge (Q49111)).
Майкл Джэксан — метка сьпевака (Michael Jackson (Q2831)) і брытанскага інфарматыка (Michael Jackson (Q92948)).

Выкарыстоўваюць распаўсюджаную назву edit

Назва патрэбная для таго, каб яе ведалі большасьць чытачоў, таму метка мусіць называцца як самая вядомая назва элемэнту. У выпадку з навуковымі тэрмінамі, напрыклад, біялягічнымі відамі, метка мусіць адпавядаць самай распаўсюджанай назьве арганізму, а іншыя навуковыя назвы можна пералічыць у сынонімах. Калі від мае некалькі распаўсюджаных назваў, пажадана пастарацца вызначыць самую распаўсюджаную зь іх, магчыма, зьвярнуўшыся да даведнікаў. Менш распаўсюджаныя назвы таксама трэба дадаць у сынонімы нароўні з навуковымі. Калі від ня мае распаўсюджанай назвы, у метцы трэба пазначыць навуковую назву. Заўважце, што асобныя пароды ня маюць навуковых назваў. Кожны сабачы завод ад сыбірскага хаскі да чыхуахуа належыць віду Canis lupus familiaris.

Прыклады:

Метка common sunflower (Q171497) — распаўсюджаная назва, а навуковая назва (Helianthus annuus) пазначаная ў сыноніме.
Для association football (Q2736) існуе мноства распаўсюджаных назваў. У метцы пададзеная найбольш распаўсюджаная зь іх, а іншыя пералічаныя ў сынонімах.

Use gender neutral labels edit

If the label is different in the male form and in the female form, it is recommended to use a gender neutral form if it exists in common usage (i.e. use a form that applies to males and females). Avoid using the male form as a generic form when possible.

Examples :

firefighter (Q107711) : firefighter is gender neutral and fireman is a male form. It is better to use firefighter.

Ідэю можа падказаць назва старонкі Вікімэдыі edit

Каб вызначыць самую распаўсюджаную назву, добрай ідэяй ёсьць зьвярнуцца да адпаведнай старонкі праекту Вікімэдыі (напрыклад, да назвы артыкулу ў Вікіпэдыі). У большасьці выпадкаў найлепшай меткай для элемэнту будзе альбо назва артыкулу ў праекце Вікімэдыі, альбо варыянт гэтай назвы. Тут варта ўлічыць некалькі падводных камянёў.

Удакладняльную інфармацыю пазначаем у апісаньні edit

Калі ў назьве артыкулу выкарыстанае ўдакладненьне (у дужках ці праз коску), гэтае ўдакладненьне ня мусіць пераносіцца ў метку Вікізьвестак. Удакладняльная інфармацыя падаецца ў апісаньні элемэнту. Напрыклад, артыкул Вікіпэдыі пра Лёндан у Антарыё мае ў Вікізьвестках метку London (Q92561) і апісаньне «места ў Антарыё (Канада)». Артыкул Вікіпэдыі Майкл Джэксан (пісьменьнік) адпавядае Michael Jackson (Q167877) з апісаньнем «ангельскі пісьменьнік і журналіст». Гэтае правіла ня варта ўспрымаць занадта заўзята. Найлепшай меткай для штату на ўсходзе ЗША будзе Нью-Ёрк, нават калі «Нью» фактычна зьяўляецца разьвязаньнем неадназначнасьці. «(6415) 1993 VR3» — афіцыйнае найменьне астэроіду, і дужкі тут не ўдакладняльныя. Дужкі ў «Hemsjö (norra delen)» — частка прысвоенай гэтаму элемэнту Швэдзкім статыстычным камітэтам назвы. А коскі ў «Edshult, Hulskog, Lida och Bäck» пералічваюць групу вёсак у Швэцыі.

Зьвярніце ўвагу, што для іншых прастораў назваў у вікіпраектах (напрыклад, «Катэгорыя» і «Шаблён») меткі мусяць супадаць з назвамі ў адпаведных разьдзелах (ня трэба выдаляць удакладняльную частку), бо гэтыя прасторы назваў звычайна мецьмуць аднастайныя апісаньні, і пры захаваньні неўнікальных параў метак + апісаньняў можа здарыцца памылка API.

Безь неабходнасьці не пазначайце даты edit

У розных сытуацыях даты варта або ня варта ўключаць у меткі. Калі дата мае істотнае значэньне, напрыклад у выпадку рэгулярных спартовых падзеяў (2006 NBA Finals (Q170590), Switzerland at the 2008 Summer Olympics (Q128127)), рэгулярных сэзонных зьяваў (1992 Atlantic hurricane season (Q170613) 2008–09 FC Barcelona season (Q170605)) ці падзеяў, дзе дата стала неад’емнай часткай распаўсюджанай назвы (Great Blizzard of 1888 (Q170652)), тады яна ўключаецца ў назву меткі. Калі ж дата мае другаснае значэньне, варта абысьціся безь яе.

Прытрымлівайцеся пагадненьняў пра прасторы назваў Вікімэдыі edit

Сайты Вікімэдыі могуць мець некалькі відаў старонак па-за асноўнай прасторай (напрыклад, службовыя старонкі ў Вікіпэдыі). Яны ўключаюць шаблёны, катэгорыі, старонкі дапамогі і спэцыяльныя старонкі. Калі старонка ў праекце Вікімэдыі адлюстроўваецца з назвай прасторы перад ёй, захавайце такой ж найменьне ў метцы ў Вікізьвестках. Калі метка пачынаецца зь «Вікіпэдыя», «Катэгорыя», «Шаблён:» ці «MediaWiki:», дадайце яшчэ ў сынонім назву старонкі бяз гэтага прэфіксу. Гэта важна, таму што Вікізьвесткі таксама маюць некаторыя прасторы назваў, аналягічныя такім жа ў іншых праектах Вікімэдыі, і ў выніку пошук у Вікізьвестак ня будзе працаваць, спрабуючы шукаць элемэнт зь меткай, якая пачынаецца з прасторы назваў Вікізьвестак. Поўны сьпіс прастораў назваў Вікізьвестак глядзіце тут.

Прыклады:

Старонка Вікіпэдыі: Вікіпэдыя:Правілы блякаваньня

Метка Вікізьвестак: Вікіпэдыя:Правілы блякаваньня

Сынонім(ы): Правілы блякаваньня

Старонка Вікіпэдыі: Партал:Гісторыя

Метка Вікізьвестак: Партал:Гісторыя

Сынонім(ы):

Вікізьвесткі ня маюць прасторы «Партал», таму ствараць сынонім «Гісторыя» не патрэбна.

Меткі па-беларуску edit

Вялікія літары edit

Меткі пачынаюцца з маленькай літары, акрамя тых выпадкаў, калі слова пішацца зь вялікай літары. Уявіце, што тэкст меткі знаходзіцца пасярод сказу, таму і мусіць адпавядаць звычайным правілам мовы. Аднак у выпадку, калі першае слова зьяўляецца ўласнай назвай (напрыклад, імя чалавека, тапонім, назва твору й інш.), дык такое слова ў метцы мусіць пісацца зь вялікай літары.

Прыклады:

Артыкул Вікіпэдыі: Ратуша
Метка Вікізьвестак: ратуша
«Ратуша» ў дадзеным выпадку — ня ўласная назва, таму метка пачынаецца з маленькай літары.

Артыкул Вікіпэдыі: Познанская ратуша
Метка Вікізьвестак: Познанская ратуша
Познанская ратуша — уласная назва ратушы, таму і метка пачынаецца зь вялікай літары.

Артыкул Вікіпэдыі: IPod
Метка Вікізьвестак: iPod
iPod — лічбавы прайгравальнік, першая літара якога наўмысна пакінутая маленькай, а другая вялікай. Вікізьвесткі захоўваюць такое напісаньне, хоць яно адрозьніваецца ад назвы артыкулу ў Вікіпэдыі.

Шрыфты і сымбалі edit

Вікізьвесткі не падтрымліваюць курсіў, ніжні ці верхні рэгістры ў метках, апісаньнях ды сынонімах праз HTML/markdown ці фарматаваньне вікітэксту. На гэты час каманда распрацоўнікаў пацьвердзіла, што яны не зьбіраюцца дадаваць такую магчымасьць. Замест гэтага можна ўставіць сымбалі юнікоду. Калі ў метцы выкарыстаныя сымбалі Юнікоду, стварыце таксама сынонім з выкарыстаньнем звычайных сымбаляў.

Прыклады:

Артыкул Вікіпэдыі: H2O: Проста дадай вады
Метка Вікізьвестак: H₂O: Проста дадай вады
Сынонімы Вікізьвестак: H₂O; H20; H2O: Проста дадай вады; H2O (тэлесэрыял)

Артыкул Вікіпэдыі: Leopardus guttulus
Метка Вікізьвестак: Leopardus guttulus
Апісаньне Вікізьвестак: від сысуноў

Элемэнты без старонак у праектах Вікімэдыі edit

Нават калі элемэнт і ня мае адпаведнай старонкі ў беларускай Вікіпэдыі ці любым іншым беларускамоўным праекце Вікімэдыі, існуюць прыклады таго, што для элемэнта ў Вікізьвестках варта дадаваць меткі і апісаньні па-беларуску. Ствараючы метку для элемэнта безь беларускамоўнай старонкі Вікіпэдыі, прытрымлівайцеся наступных пяці крокаў:

Калі элемэнт мае распаўсюджаную назву, пераклад ці трансьлітарацыю, ужо ўстоеныя ў беларускай мове, выкарыстайце гэтую назву.
Калі элемэнт зьяўляецца ўласнай назвай, якая мае старонку ў Вікіпэдыі іншай мовай на аснове кірылічнага альфабэту, выкарыстайце гэтую назву.
Калі элемэнт зьяўляецца ўласнай назвай, якая ня мае старонак у іншых кірылічных Вікіпэдыях, дзеля перадачы беларускай мовай скарыстайцеся правіламі трансьлітарацыі з арыгінальнай мовы. Напрыклад, калі існуе артыкул пра места ў Паўднёвай Карэі, а артыкулы ў Вікіпэдыі існуюць па-карэйску, кітайску ды японску, дык трансьлітараваць назву варта з карэйскай мовы. Перакладчык Google робіць аўтаматычную трансьлітарацыю для найбольш распаўсюджаных моваў; трансьлітарацыя выводзіцца шэрым тэкстам непасрэдна пад сінім вакном уводу тэксту. Гэтым мэтадам ня варта карыстацца пры подпісе метак, якія не зьяўляюцца ўласнымі назвамі.
Калі элемэнт не зьяўляецца ўласнай назвай, і вы ўпэўненыя, што валодаеце арыгінальнай мовай дастаткова, паспрабуйце перакласьці ці трансьлітараваць назву самастойна.
Калі элемэнт не зьяўляецца ўласнай назвай, і вы ня ўпэўненыя, што валодаеце арыгінальнай мовай дастаткова, пакіньце гэтую задачу камусьці іншаму.

Прыклады:

Артыкул Вікіпэдыі: Адсутнічае
Метка Вікізьвестак: Pont-Saint-Martin, Aosta Valley
Артыкул пра гэты населены пункт адсутнічае ў беларускай Вікіпэдыі, аднак існуе ў баўгарскім, казаскім, расейскім, сэрбскім ды ўкраінскім кірылічным разьдзелах. Гэта ўласнае імя, таму на аснове іншых моўных разьдзелаў можна дастасаваць ягонае напісаньне ў беларускай мове.

Іншамоўныя меткі edit

Іншая мова ў Вікізьвестках можа прытрымлівацца іншых рэкамэндацыяў пры найменаваньні метак. У выпадку сумневаў зьвярніцеся да вэрсіі гэтай старонкі адпаведнай мовай.

Глядзіце таксама edit

Глядзіце зьвязаныя старонкі дапамогі:

Дапамога:Элемэнты, дзе тлумачыцца, што такое элемэнты і якім правілам яны адпавядаюць
Дапамога:Сынонімы, дзе тлумачыцца, што такое сынонімы і якім правілам яны адпавядаюць
Дапамога:Апісаньні, дзе тлумачыцца, што такое апісаньні і якім правілам яны адпавядаюць
Дапамога:Шматмоўнасьць зь інфармацыяй пра выбар моўных наладаў
Праект:Старонкі-неадназначнасьці/рэкамэндацыі

Дадатковую інфармацыю і даведку глядзіце:

Чат праекту — для абмеркаваньня ўсемагчымых аспэктаў Вікізьвестак
Wikidata:Glossary — слоўнік тэрмінаў, выкарыстаных на гэтай ды іншых старонках дапамогі
Help:FAQ — частыя пытаньні, на якія адказвае супольнасьць Вікізьвестак
Help:Contents — партал дапамогі з усёй магчымай дакумэнтацыяй па Вікізьвестках