Help:Declarationes
 | This page in a nutshell:
|
In Wikidata, un concepto, topico, o objecto es representate per un elemento. Cata elemento ha su proprie pagina. Un declaration (del modello de graphico Resource Description Framework (Q54872): Subjecto-Predicato-Objecto) es como le information que nos cognosce sur un elemento - le datos que nos ha sur illo - es registrate in Wikidata. Isto se face per accopular un proprietate con al minus un valor; iste par es al corde de un declaration. Declarationes pote anque esser expandite, annotate, o contextualisate con valores additional, assi como qualificatores, referentias, e rangos optional. Declarationes anque servi pro connecter elementos le un al altere, resultante in un structura de datos ligate.
| Lingua | elemento | proprietate | Valor |
|---|---|---|---|
| anglese | Marie Curie | occupation | physicist |
| germano | Marie Curie | Tätigkeit | Physiker |
| francese | Marie Curie | occupation | physicien ou physicienne |
| polonese | Maria Skłodowska-Curie | zajęcie | fizyk |
| Q7186 | P106 | Q169470 |
Exemplo:
- Pro includer information sur le occupation de Marie Curie in Wikidata, tu debe adder un declaration al elemento de Marie Curie, Marie Curie (Q7186). Usante le proprietate, occupation (P106), tu pote alora adder le valor physicist (Q169470). Tu pote tamben adder le valor chemist (Q593644). Nota que chimico e physico ambes ha lor proprie paginas in Wikidata, permittente que Marie Curie es ligate a iste elementos.
Principios general independente de lingua
(pro Douglas Adams (Q42))
Un declaration consiste de un par proprietate-valor, per exemplo "loco: Germania".
Le proprietate in un declaration describe le valor de datos, e pote esser considerate como un categoria de datos como "color", "population", o "Commons media" (files albergate sur Wikimedia Commons). Le valor in le declaration es le pecia concrete de datos que describe le elemento.
Declarationes pote tamben esser expandite, annotate, o contextualisate con le addition de optiones de valor (qualificatores, referentias, e rango). Le parte central de un declaration sin referentias e rangos se appella tamben assertion. Un assertion sin qualificatores es tamben appellate snak.
Ergo, insimul con fontes (referentias) e rangos, qualificatores permitte expander, annotar o contextualisar declarationes ultra lo que pote esser exprimite in un simple par proprietate-valor.
Le structura es proprietate-valor(es), con optiones pro cata valor (rango, qualificator e referentias).
Proprietates
A cata proprietate in Wikidata es assignate un typo de datos predefinite, le qual restringe lo que pote esser addite como su valor. Per exemplo, solmente altere elementos pote esser addite como un valor pro le proprietate "color", solmente numeros pote esser addite pro le proprietate "population", e solmente files multimedial visibile in Wikimedia Commons pote esser addite pro le proprietate "Commons media".
Pro major information sur como usar le proprietates, per favor vide Wikidata:Properties.
Valores
Plure valores
Si un elemento per natura pote haber proprietates con plure valores (como infantes de un persona o linguas official de un pais), il es perfectemente acceptabile adder cata un de iste plure valores.
Si, al contrario, un elemento idealmente deberea haber solmente un valor (como le population de un citate), ma ha plure valores (per exemplo, perque differente fontes reporta differente numeros), tote le valores pote esser addite, e additional qualificatores debera esser usate. Qualificatores es usate pro describer o affinar ulteriormente le valor de un proprietate fornite in un declaration. Vide Help:Qualifiers pro plus information.
Valores incognite o absente
Alcun vices, un elemento non ha un valor o un valor incognite pro un proprietate specific. Dependente del proprietate, iste valores de datos totevia forni importante information sur un elemento e deberea esser registrate in Wikidata. Per exemplo, nos poterea dicer que Elizabeth I of England (Q7207) non ha un valor pro le proprietate child (P40), lo que es multo differente de non registrar alcun cosa del toto. Nos poterea etiam dicer que William Shakespeare (Q692) ha un valor incognite pro le proprietate date of birth (P569).
Valor incognite etiam pote significar que le valor es realmente un objecto cognoscite, ma il non ha actualmente un elemento de Wikidata sur le objecto. Nonobstante, in iste caso il es fortemente recommendate crear un elemento pro le objecto, si illo satisface le politica de notabilitate.
Le majoritate del valores in Wikidata essera valores personalisate, e es inserite in le maniera usual. Valores incognite e valores non existente es addite a declarationes per cliccar super le icone a latere del campo de valor que ha iste aspecto: 
. Iste icone tamben pote esser usate quando on vole cambiar un valor incognite o non existente retro a un valor personalisate.
Valores de elementos
Le typo de valor le plus commun in Wikidata es le elemento. Isto significa que le proprietate refere a un altere elemento in Wikidata. Per exemplo, il pote haber un declaration que dice Albert Einstein (Q937) instance of (P31) human (Q5). In altere parolas, le valor del proprietate instance of (P31) pro Albert Einstein (Q937) es le elemento human (Q5). Si le valor pro le proprietate non existe ancora (per exemplo, si Albert Einstein (Q937) esseva alcun specie de extraterrestre), tu sempre pote crear un nove elemento.
Valores quantitative
Quando on adde valores quantitative, le sequente restrictiones debe esser notate. Le plus grande numeros integre positive que Wikidata permitte es 9e124 e le plus grande numeros negative es -9e124. Pro numeros fractional, un additional cifra decimal es supportate: 9,9e124, ma 9,91e124 non es possibile. Le plus parve numeros positive e negative es 1e-124 e -1e-124. Pro numeros fractional, le exponente pote solmente esser 123, faciente istes le plus parve numeros fractional positive e negative: 1.0e-123 e -1.0e-123 (Nota que le zero essera conservate como un indicio del precision del valor. Compara isto a entrar 1e-123).
Adder solmente information verificabile
Wikidata non es un base de datos que immagazina factos sur le mundo, ma un base de cognoscentia secundari que collige e tal a referentias a iste cognoscentia. Isto significa que Wikidata non affirma qual es le population de Germania realmente; illo simplemente forni le information sur le population de Germania secundo un fonte specific, como The World Factbook (Q11191).
Como tal, la majoritate del declarationes deberea esser verificabile per fontes de information referentiabile como un libro, publication scientific, o articulo de jornal. In Wikidata, referentias es usate pro indicar le fontes specific que supporta le datos fornite in un declaration. Pro plus information, per favor vide Help:Sources.
Pluralitate e consenso
Perque declarationes essentialmente refere a fontes de information referentiabile e differente fontes pote fornir information contradictori, il es possibile representar un pluralitate de perspectivas sur Wikidata.
In caso de disputas, le consenso communitari determina le valor de un proprietate, ma altere punctos de vista pote esser addite como valores additional si illos include un fonte e qualificatores appropriate. Rangos pote tamben esser usate; si un consenso existe, illo debe esser indicate per un rango preferite. Pro plus information sur rangos, per favor vide Help:Ranking.
Per favor nota que disputas debe esser discutite sur le pagina de discussion del elemento. Guerras de modification concernente valores non es acceptabile.
Disambiguation e altere paginas Wikimedia non-elemento
Quando un elemento de Wikidata refere a un pagina de Wikimedia mesme in loco del subjecto del pagina de Wikimedia, le proprietate instance of (P31) debe esser usate pro identificar le typo de pagina. Isto include paginas de Categoria, Patrono e altere paginas foras del spatio de nomines principal.
Tote le elementos de un pagina de disambiguation debe haber le declaration 'instance of (P31) Wikimedia disambiguation page (Q4167410)'.
Exemplos:
- elemento: Madonna (Q1564372)
- instantia de: Wikimedia disambiguation page (Q4167410)
- elemento: list of lighthouses in Iceland (Q3253135)
- instantia de: Wikimedia list article (Q13406463)
Ubi un pagina de Wikipedia tracta plus de un concepto, objecto, o cosa, e le combination es un subjecto coherente, usa 'has part(s) (P527)' pro ligar a paginas separate de Wikidata pro cata un del conceptos, objectos, o cosas individual. Si le combination non es coherente, ma es un mixtura de diverse conceptos, objectos, o cosas, usa 'instance of (P31) Wikipedia article covering multiple topics (Q21484471)' e 'main subject (P921)' pro le partes individual; non usa has part(s) (P527) in iste caso. Vide Help:Modelling/Wikipedia and Wikimedia concepts § Compound Wikipedia articles pro plus information.
Criterios de exclusion
Declarationes de Wikidata debe haber fontes e continer referentias neutral e digne de fide.
Le sequente typos de information non debe esser addite como declarationes de Wikidata:
- Declarationes que contine o revela information sensibile e/o private sur personas vivente. Vide Wikidata:Living people pro plus information.
Ordine de proprietates
Le ordine monstrate de declarationes e qualificatores non ha significato; illos es solmente ordinate secundo le data a que cata declaration esseva addite.
Sur Wikidata, le configuration actual se divide:
- Sur elementos: proprietates con typo de datos de identificator externe al fundo de paginas, tote le alteres: supra.
- Sur proprietates: proprietates pro restrictiones de proprietate al fundo del paginas, tote le alteres: supra.
In addition, si le proprietates es listate in MediaWiki:Wikibase-SortedProperties, illos se ordina secundo lor proprie ordine sur ille pagina, con tote le proprietates non listate ordinate per data de addition.
Ordine de declarationes pro un proprietate
Task T290143
Ordinar plure declarationes pro le mesme proprietate per qualificator de data
Task T290481
gruppar declarationes de texto monolingue per lingua o codice de lingua
Si il ha plure declarationes con le mesme proprietate, istes appare in le ordine in que illos ha essite addite. Exemplo: Q60#P1082 ha valores pro plure annos.
Quando on consulta sur le Servitor de Consultas de Wikidata, illos pote apparer in iste ordine o in qualcunque altere. Pro un ordine specific, altere functiones debe esser usate:
- le rango del declaration
- un qualificator del declaration, como series ordinal (P1545), ranking (P1352) and point in time (P585)
- le valor
- o, si le valores es elementos, alcun declaration sur le elemento usate como valor
In elementos de alte profilo, il pote esser tentante cambiar le ordine de exhibition de declarationes. Isto debe esser facite con rearrange values.js (Q106683950) post haber assecurate que altere functiones es presente. Evita deler e re-crear declarationes pro ordinar los.
Pro alcun proprietates multi-valor con qualificatores ordinal de data o de serie, le communitate de Wikidata suggereva le disveloppamento de ordination automatic de declarationes post entrata. Exemplo: monstrar numeros de population ordinate per anno (multe elementos sur locos ha tal numeros e il es inutile ordinar los manualmente o differentemente).
Adder declarationes
Le declarationes se adde a un pagina de elemento; in iste caso, pro Marcel Bouix (Q16775650), del sequente maniera:
Pro adder qualificatores, fontes o rangos, per favor vide le documentation de adjuta appropriate, listate al fin del pagina.
Vide etiam
Pro paginas de adjuta associate, vide:
- Help:Properties, explicante lo que es le proprietates e qual regulas illos seque
- Help:Sources, explicante lo que es le fontes e qual regulas illos seque
- Help:Qualifiers, explicante lo que es le qualificatores e qual regulas illos seque
- Help:Ranking, explicante lo que es le rangos e qual regulas illos seque
- Help:QuickStatements, explicante lo que es le declarationes e qual regulas illos seque
Pro information e direction additional, vide:
- Project chat, for discussing all and any aspects of Wikidata
- Wikidata:Glossary, the glossary of terms used in this and other Help pages
- Help:FAQ, frequently asked questions asked and answered by the Wikidata community
- Help:Contents, the Help portal featuring all the documentation available for Wikidata